* * *

Гӧтырпула Коми муӧ

Немеч волӧ — син оз тіль.

Нюмъялӧмӧн сійӧ шуӧ:

«Коми нылыд медся зіль».

Гӧтырпула Коми муӧ

Француз волӧ — оз тай узь.

Вашъялӧмӧн сійӧ шуӧ:

«Коми нылыд медся сюсь».

Гӧтырпула Коми муӧ

Турок волӧ — зэв герой.

Жеръялӧмӧн сійӧ шуӧ:

«Коми нылыд медся збой».

Гӧтырпула Коми муӧ

Волӧ Китай муысь Дзянь.

Чиктылӧмӧн сійӧ шуӧ:

«Коми нылыд медся шань».

Ставлы восьса чужан муным

Лунысь-лун да воысь-во.

Тадзтӧ гортын гӧтырпуным

Регыд аслыным оз ло.