* * *

Мый нӧ эськӧ тайӧ лоис —

Потшӧс дорын сьылӧ мӧс?

Йирсянінсянь скачӧн воис,

Весьӧпӧртіс миянӧс.

Тайӧ Васьӧ гудӧкасьӧ,

Ворсны асылӧдзыс дась.

Аттӧ, Васьӧ, но и, Васьӧ,

Гудӧкась вай, гудӧкась.

Мый нӧ эськӧ тайӧ лоис —

Ӧшинь улын йӧктӧ ош?

Ӧти здукӧн вӧрысь воис,

Кокыс тэрыб, пельыс чош.

Тайӧ Васьӧ гудӧкасьӧ,

Ворсны асылӧдзыс дась.

Аттӧ, Васьӧ, но и, Васьӧ,

Гудӧкась вай, гудӧкась.

Мый нӧ эськӧ тайӧ лоис —

Пач вом дорысь пышйис пӧч?

Том пӧраыс быттьӧ воис,

Шодлӧ, нинӧмсӧ оз вӧч.

Тайӧ Васьӧ гудӧкасьӧ,

Ворсны асылӧдзыс дась.

Аттӧ, Васьӧ, но и, Васьӧ,

Гудӧкась вай, гудӧкась.

Мый нӧ эськӧ тайӧ лоис —

Йӧктӧ керка, йӧктӧ пач?

Сиктӧ быттьӧ праздник воис,

Ок и гажа, кӧчамач!

Тайӧ Васьӧ гудӧкасьӧ,

Ворсны асылӧдзыс дась.

Аттӧ, Васьӧ, но и, Васьӧ,

Гудӧкась вай, гудӧкась.