ВОЙВЫВ ДЗОРИДЗ

Вӧльнӧй светын медся мича

Войвыв дзоридз пӧлӧзнича.

Быдмӧ сійӧ Коми муын,

Шоныд лола асъя руын.

Пӧлӧзнича медся мича,

Мича шензьымӧн.

Сьӧлӧм бердын сійӧс видза,

Сьӧлӧм бердын нэмсӧ видза

Чужан мулысь рӧм.

Аддзылан да, шогыд бырӧ,

Сьӧлӧм пытшкад радлун пырӧ.

Олӧм гажа, олӧм дона,

Кӧть и сьӧкыд овлӧ ёна.

Вӧльнӧй светын медся мича

Войвыв дзоридз пӧлӧзнича.

Со и радлам, со и сьылам,

Чужан муын олам-вылам.