КӦДЗВЫВ ВӦЛӦСЬТСА СӦВЕТЛӦН ЧУКӦРТЧЫЛӦМ
16-ӧд лунӧ мартын вӧлі сизимӧд съезд Кӧдзвыв вӧлӧсьтувса (Сыктывдінкарын) Сӧветъяслӧн.
Коммунистъяскӧд ӧти туйӧд.
Торлопов висьталіс, мый ӧні вӧчсьӧ став му вылас. Сы бӧрын съезд шуис: «Ыстам асланым правительстволы зэв ыджыд аттьӧ. Ми аддзам, правительство став вынсӧ, мывкыдсӧ пуктӧ миян вӧсна. Мед тӧдасны став врагъясыс, ми мунам коммунистъяскӧд ӧти туйӧд бур олӧмлань. Став выннымӧс пуктам выль ногӧн крестьянскӧй олӧм лӧсьӧдны.
Выль эзысь, ыргӧн да червонеч деньга бур олӧм лӧсьӧдны и лэдзӧма.
Мед олас, миян дор сулалас коммунист партия!
Мед ёнмас эмбуртӧмъяслӧн да гӧльяслӧн Сӧвет власьт!.»
Видз-му юкӧм йылысь
Съезд бара шуис тэрмасьныджык видз-му юклыны. Гӧльджык крестьяна водзмӧстчӧны вежны куим ногӧн (
Вӧлӧстнӧй бюджет йылысь
Съезд шуис: шыасьлыны Обласьтувса Исполкомӧ пес дон содтыны 3 шайтӧдз сыв (Обфинотдел лӧсьӧдӧма 1 шайт 50 ур). Сэсся корны служащӧйяслы жалӧванньӧ содтӧд Областнӧй бюджетысь: служащӧйяс ӧні уджалӧны став Сыктывдінкар пасьта, абу карса Сӧветыс да; жалӧванньӧ ӧткодявны Областнӧй служащӧйяскӧд.
