КӦСЙЫСЬӦМЫСЬ ОЗ БӦРЫНЬТЧЫ

Коркӧ, тӧлысь кык сайын кымын, миян «Югыд туй» газетӧ Обсоюзса Председатель Никифоров гижліс: мый воас заграничаӧ ур ку вузалӧмысь барышыс, джынсӧ пӧ сетам ур кыйысьяслы вӧралысьяслы.

Ӧні Ставрочмувывса Кооперативлӧн Союзыс (Центросоюз) ыстӧма миянлы быд ур ку вылӧ 10 урӧн (копейки). Обсоюзлӧн Правленньӧыс шуӧма сетны вӧралысьяслы (ур кыйысьяслы) 8 урӧн быд ур ку вылӧ да 2 урӧн ЕПО-лы, чукӧртӧмыс пыдди. Аслыс Обсоюз некутшӧм барыш абу босьтӧма.

Та серти позьӧ нин гӧгӧрвоны: миян кооператив оз барыш вӧсна уджав. Уджалӧ крестьяна вӧсна, овмӧс кыпӧдӧм понда.

Колӧ ӧтувтчыны коми йӧзлы чорыда кооператив бердӧ.