КИТАЙ ПОВЗЬӦМА

Воддза газетын вӧлі гижӧма: Китай кутас Сӧвет Россиякӧд тыр-бурӧн овны. Ӧні воис юӧр — Китай повзьӧма, бӧр бӧрыньтчӧ.

Америкалӧн, Франциялӧн да Япониялӧн посолъясыс повзьӧдлӧмӧн тшӧктӧны Китайса правительствоӧс дугдыны Россиякӧд тӧдмасьны.

Март 14-ӧд лунӧ вӧлі кырымалӧмаӧсь нин миян посол Китайын Карахан сэтчӧс правительствосянь пуктӧм морткӧд — Ванкӧд договор. Сэсся бӧрынджык Китайса правительствоыс ӧткажитчӧма кырымалӧмсьыс (утвердить). Карахан сетӧма куим лун срок, сы бӧрын сэсся кырымыс оз кут туйны, оз понды лыддьысьны действительнӧйӧн.

Китайса Думаӧ бӧрйӧм йӧз, ёна велӧдчӧм йӧз (профессора, студенты), тшӧтш уджалысь йӧз чукӧртчӧны паныд озыр ног личкӧмлы.

Карахан шуӧ: мыйкӧ кӧ омӧль лоӧ та кузя, став мыжыс усьӧ Китайса правительство вылӧ.