КАД НИН ЛӦСЬӦДЧЫНЫ

Локтӧ тулыс — гӧран-кӧдзан кад.

Мыйкӧ нӧ ті, коми крестьяна, думыштланныд онӧ Комитет Взаимопомощи йывсьыд?

Тӧдӧмысь, зэв омӧля.

Колӧ эськӧ медся ёнасӧ тулыссяньыд мӧвпыштны.

Миян Коми Обласьтын быдлаын зэв омӧльӧсь Комитетъясыд — нинӧм пӧшти абу.

Ми во куим кымын наперво долям нин:

— Лӧсьӧдӧй Комитет Взаимопомощи, аслыныд бурыс сэтысь лоас!

Сӧмын миян чуксасьӧмыс, буракӧ, зэв этшалы сьӧлӧмӧдзыс йиджӧ. Ӧткымынлаын сӧмын на гӧгӧрвоӧмаӧсь та йылысь.

Комитет Взаимопомощи кӧ ён, эм кӧ сылӧн унджык эмбурыс — сэки овны крестьяналы кокньыдджык, пыр вермас отсавны судзсьытӧмъяслы.

Со регыд воас тулыс. Колӧ крестьяналы ӧтвылысь босьтны уджавны кутшӧмкӧ му (сюрӧны сэтшӧм муясыд быдлаын): гӧрны, кӧдзны, идравны. Ставыс, мый воас сэтшӧм му вывсьыс, сэсся сетны Комитет Взаимопомощилы.

Пӧра этша нин коли. Кад нин крестьяналы та йылысь ӧнісянь сёрнитны да кутчысьны.

В.