ОТСАЛӦЙ БУР ТУЙӦ ПЕТНЫ!

Миян Поёлын (Визин карулын) эм 9 арӧса детина, мам-батьтӧм, шуӧны Савӧ Иванӧн. Ӧні олӧ сійӧ вок ордас, тьӧтка дінын. Найӧ оз вермыны Иванӧс терпитны, пыр нӧйтӧны да видӧны — абу ӧд асланыс!.. Мездысь, дорйысь сійӧс некод абу. Войдӧр вӧлі пыр ветлӧ корӧ, ӧні некод нин оз сет. Уна терпитлӧ тшыг, кӧдзыд, сёйтӧг мукӧддырйиыс пырас кытчӧкӧ рынышӧ ли пывсянӧ, сэсся сэн и узяс.

Ӧні Иван велӧдчӧ. Велӧдысьыс шуӧ: зэв пӧ сюсь да велалысь детинаыс, быдтор гӧгӧрвоӧ. Школаас ветлӧ киссьӧм кышан (паськӧм)-кӧмкотӧн, джын яйыс тыдалӧ, а бура кӧдзыд вӧлі таво тӧлыд.

Поёлса, отсалӧй Иванлы! Зэв уна ӧд оз ков сылы!

Й. С.