МЫЙ КОЛӦ ТӦДНЫ НЫВБАБАЯСЛЫ

Уджалысьяс, коми крестьянкаяс! Кулі миян Ыджыд Велӧдысьным — Владимир Ильич. Ловъя сылӧн семьяыс — коммунистъяс. Ӧтувтчӧй накӧд, пырӧй коммунист партияӧ!

Ленинлысь панӧм уджсӧ — мездыны уджалысь нывбабаӧс сьӧкыд олӧмысь — нуӧдам помӧдз!

Уджалысь коми крестьянкаяс! Огӧ вунӧдӧй Ильичлысь велӧдӧмсӧ, мунамӧй водзӧ югыдлань, велӧдчамӧй быдтор тӧдны да керны, лӧсьӧдны бур олӧм!

Став му пасьта уджалысьяс, крестьянкаяс, ті абу ас кежаныдӧсь. Ми тшӧтш тіянкӧд: олам и кулам мездысьӧм понда озыр кипод улысь!

Кымын уна нывбаба босьтчасны лӧсьӧдны выль олӧм, сымын регыд мынасны найӧ асьныс сьӧкыд олӧмысь!

Коми аньяс, крестьянкаяс, велӧдчӧй ёна, югдӧдӧй ассьыныд юр вежӧрнытӧ!

Уджалысьяс, крестьянкаяс, сьӧлӧмсьыд босьтчӧй кыпӧдны, бурмӧдны ассьыныд овмӧснытӧ!

Германияын уджалысь нывбабаяс вермасьӧны озыръяскӧд, мездысьӧны нартитысьясысь, дзескӧдысьясысь. Отсаламӧй налы мыйӧн вермам!

Сьӧкыд олӧмысь вермас мездыны нывбабаӧс сӧмын коммунист партия.

Уджалысь нывбаба, мездысь быдлунъя пачводз чадсьыд да пеж ворсьыд!

Уджалысь нывбаба, эновт пачводзтӧ да кага рузумъястӧ, мун удж нуӧданінъясӧ лӧсьӧдны выль олӧм!

Ӧтув челядь видзӧм (детдом), ӧтув сёян-юан лӧсьӧдан, песласянін кокньӧдасны нывбабалысь олӧмсӧ!

Шыбитӧй гырнич-кашникӧн быдлунъя клёнӧдчӧмтӧ, восьталӧй ӧтув сёян-юан лӧсьӧданінъяс!

Коми аньяс, нывбабаяс, вермасьӧй пемыдлункӧд-велӧдчытӧмкӧд, лёк зелля-самӧкуркӧд!

Коми аньяс, нывбабаяс, унджыкысь чукӧртчылӧй сёрнитны олӧм лӧсьӧдӧм йылысь, отсасьӧй тіянӧс дорйысьяслы — коммунистъяслы!

Коми аньяс, нывбабаяс, вынсьӧдчӧй, ёнмӧдчӧй! Быдӧн мед тіянӧс морт туйӧ пуктӧны!