НЕТШЫШТӦЙ ЧЕЛЯДЬӦС ЛЁКИНЫСЬ

Ми дзонь вежон чӧж гижим бать-мамтӧм челядьӧс дӧзьӧритӧм йылысь.

Быдӧн тӧдӧны, кутшӧм лёк овны эновтӧм, бать-мамтӧм челядьлы. Наысь быдмасны омӧль йӧз. Найӧс колӧ видзны. Найӧ абу мыжаӧсь.

Вӧлӧмкӧ, миян Коми муын эмӧсь бать-мамтӧм челядь кындзи мукӧд пӧлӧс челядьяс на. Налӧн эмӧсь батьяс либӧ мамъяс, сӧмын олӧмныс мукӧдыслӧн бать-мамтӧмъяс дорсьыс омӧльджык.

Маджаын (Кулӧмдін карулын) Ярасим Педӧрлӧн эм вит арӧса ныв — ичинь (тьӧтка) водз. Ичиньыс эськӧ оз нин радейт да, весиг батьыс оз дӧзьӧрит. Пыр петӧ ичӧтик нывкаыд-коньӧр йӧзӧ, нянь корӧ, бӧрдӧ...

Тӧдӧмысь, оз зэв нимкодясь тайӧ ичӧтик нылыд!.. Со ӧд, вит арӧса на сӧмын, да тӧдӧ кедзовтӧмтӧ, бӧрдӧ...

Татшӧмъясыд быдлаысь сюрӧны, быд вӧлӧсьтысь: кодъяслӧн батьыс омӧль, мукӧдыслӧн — мамыс.

Колӧ татшӧм оласногсьыс челядьӧс петкӧдны либӧ тшӧктыны бурджыка видзны. Оз позь челядьӧс ӧбӧдитны!

В. Н.