КОСЬТАМ-КОСЬТАМ, ВЕК ОЗ КОСЬМЫ!

Межадорын (Визин карулын) мунӧ тӧлысь чӧж вермасьӧм самӧкур юӧмысь. Уджалӧ та вылын торъя Комиссия. Овлӧны собранньӧяс, сёрнитӧмъяс, лекцияяс. Сӧмын нинӧм огӧ вермӧ вӧчны — самӧкур огӧ вермӧ косьтыны-бырӧдны. Медъёна юӧны свадьбаяс дырйи. Бӧръявылыс вӧлі уна свадьба (вичкоын венчайтчӧмӧн) да, лун-лун вӧвъясӧн гуляйтӧны — зиля-зёля, кӧлӧкӧлъясаӧсь, сьылӧны, горзӧны. Милиционер эськӧ эм жӧ да, нинӧм сы помысь, ачыс тшӧтш юӧ. Юалан сылысь: «Мыйла нӧ он кутав?» — Сійӧ шуас: «Вайӧ пӧ меным „материал“, кодлӧн самӧкурыс эм!..»

Колӧ эськӧ видзӧдлыны кодлыкӧ миянӧ, этша пальӧдыштны самӧкур чадсӧ.

Аддзылысь.