ЧЕЛЯДЬ ЭШТАН КАДЪЯС БУРА КОЛЛЯЛӦНЫ

Мед эськӧ унджыклаын тадзи уджалісны!

Межадор вӧлӧсьтын эм Ягдор сикт. Сэні велӧдысь Туркин лӧсьӧдіс драматическӧй кружок (спектакъяс, ворсан рытъяс вӧчны) дзик посни челядьысь — велӧдчысьясысь, 8−10 арӧсаясысь.

Февраль 17 лунӧ вӧлі медводдза спектак, ворсісны пьеса «Важ суддяяс». Спектак бӧрас сьылісны, сэсся комиӧн висьтавлісны.

Йӧзыс вӧлі ворсанінас дзик тыр, весиг волісны гырысьяс. Зэв ёна сьӧлӧм выланыс воӧма (кажитчӧма).

Видзӧдысь.