ОЗ КОВ ПӦРЪЯСЬЛЫНЫ

Мырдӧн уджӧдӧм абу

«Северолесса» приказчик вылӧ Маджаса ёна норасьӧны. Юавлан пӧ мыйкӧ бурӧн, сійӧ пыр лёкысь горӧдӧ. Унаӧн нин шуасьӧны: «Вежны пӧ сійӧс колӧ, сюрас пӧ ӧд бурджык. Важ моз пыр уджалысь йӧзӧс топӧдны виччысьӧ»...

Арнас вӧлӧм висьтавлӧ йӧзыдлы: «Оботдел Труда пӧ меным сетіс сы мында (лыдсӧ вунӧді) вӧла-мортаӧс, ме пӧ имеита право мырдӧн уджӧдны. Некытчӧ пӧ ог лэдз мунны ни».

Йӧзыд вӧлі чуймӧмаӧсь: «Ӧні пӧ вӧльнӧй удж вӧлі, бара ӧмӧй пӧ кутасны трудповинносьтӧн уджӧдны?..»

Со ӧд кыдзи пемыд йӧзтӧ повзьӧдлӧны. Та вӧсна сэсся мукӧдыс эз и гортас «Северолесыдлы» уджавны медасьны, мунісны Кияӧ (Кӧрткерӧсӧ) «Русголландлеслы» медасьны — вӧла кызь кымын — сэні пӧ неуна унджык сетӧны.

Маджаса.