КОЛӦ СЕТНЫ БУРДЖЫК ДОН
Быдлаын Коми Обласьт кузя крестьяна норасьӧны:
— Ичӧт дон пӧ таво сетӧны кер (сортовка) лэдзӧмысь, муртса пӧ кынӧмпӧт вылӧ...
Уналаын та вӧсна йӧзыд дыр абу кутчысьӧмаӧсь, нюжӧдӧмаӧсь кадсӧ — корӧмаӧсь дон содтӧд, сӧмын нинӧм абу вермӧмаӧсь пычкыны. Мырдӧнмоз сэсся лоӧма кутчысьны. Нажӧткаясыд абуӧсь, тшыглуныд-гӧльлуныд вӧтлӧ кынӧмпӧттӧ корсьны...
Кӧнсюрӧ унджык йӧзыс (Маджаын) кер лэдзӧм пыдди Богословӧ мунлӧмаӧсь. Нажӧвитӧмаӧсь сэні бура — мукӧдыс вайӧмаӧсь нелямын пудйӧн нянь. Сэсся став вӧр лэдзысьясыс шуӧны: мӧд воӧ пӧ ставным мунам заводӧ, сортовка дорӧ пӧ некод огӧ кутчысьӧй, оз кӧ пӧ бурджык дон сетны. Весиг вӧралысьяс (охотникъяс) тадзи шуӧны.
Ӧтилаысь кӧ да мӧдлаысь тадзи дугӧдчасны сортовка лэдзӧмысь — омӧль делӧ лоӧ Коми Обласьтлы: уна доход миян вермас вошны — медыджыд доходыс ӧд воӧ сортовка вӧр лэдзӧмысь!
Колӧ, кодъяслы татчӧдз мог, водзӧ кежлӧ лӧсьӧдны бурджык дон кер лэдзысьяслы. Ӧти-кӧ, коми крестьяналы лоӧ гортса нажӧтка, кӧзяйство регыдджык вермасны кыпӧдны; мӧд-кӧ, Обласьтлы воны кутас ыджыдджык доход.
Таысь кындзи крестьяна норасьӧны ещӧ со мый вылӧ.
— Сортовка вӧр пӧ лэдзӧны зэв матысса делянкаясысь, дзик сиктъяс бердысь, оз пӧ коль сэсся асланыс коланінӧ вӧрыс (
