ЧОРЫД ДЕНЬГА

Тадзи позяс шуны выль эзысь-ыргӧн деньга. Татшӧм деньгаясыс регыд нин кутасны ветлӧдлыны быдлаын, воасны тшӧтш миянӧ — Коми муӧ.

Первойястӧ, дерт, кутасны дзеблавны чорыд деньгатӧ.

Йӧзыд важӧн нин эз аддзывлыны эзысь-ыргӧн деньгатӧ, ёна нин мучитчисны усян бумага деньганад да зэв горша уськӧдчасны сы вылӧ.

Миян государство оз на вермы лэдзны дзик тырмытӧдз татшӧм деньгатӧ, оз удит деньгасӧ друг сы мында дорны. Наркомфинлы шуӧма лэдзны посньыдик бумага бонъяс. Сӧмын сэтшӧм условйӧӧн, мед став бонсӧ вӧлі вежӧма чорыд деньга вылӧ, кор лэдзасны тырмытӧдз.

Некодлы оз ков дзеблавны чорыд деньгасӧ (эзысь да ыргӧн). Та вӧсна оз вермы лоны тӧварлӧн усьтӧм дон, кутас пыр вежласьны. Кор кутас дугдывтӧг ветлыны чорыд деньга, сэки тӧвар дон кутас чинны, лоас сэсся вежласьтӧм дона.