ВЫЛЬ КОМИ НИГАЯС

«Коми календар 1924ʼ во вылӧ». 64 лист бок.

Гижӧма календар лоӧм йылысь, праздникъяс йылысь (кыдзи, мыйла найӧ лоӧмаӧсь), крестьяна бунтъяс йылысь (Кулӧмдінса бунт йылысь тшӧтш), агрономъяслысь гижӧдъяс видз-му уджалӧм йылысь, выль суд йылысь, быдтысьӧм йылысь (нывбабаяслы ёна колӧ лыддьыны), крестьяна пӧвстысь петӧм йӧз йылысь (комияс йылысь тшӧтш), сёян-юан лӧсьӧдӧм йылысь (нывбабаяслы), выль мераяс йылысь. Эм быд вӧлӧсьтлӧн олысь лыд, каръясӧдз ылна километрӧн арталӧм.

«Нывбабаяс», нёль торъя драма Неверовлӧн. Коми кыв вылӧ пуктісны Нёбдінса Виттор, А. Н. Чеусова, А. Ӧ. Суканова. 65 лист бок.

Драма деревняса ӧнія олӧмысь. Петкӧдлӧ нывбабаяслысь сьӧкыд олӧмсӧ, налысь выль олӧмӧ кыссьӧмсӧ. Сьӧлӧмӧ йиджан драма.

«Кӧдзыд ю дор керка» («Зимовье на Студеной», Мамина-Сибиряка). Роч вылысь лӧсьӧдіс И. Т. Чисталёв. 11 лист бок.

Зэв лӧсьыд висьт войвывса вӧрын олысь йылысь. Комиӧн Чисталёв лӧсьӧдӧма зэв бура, лыддьыны кокни. Колӧ лоны быд школаын, библиотекаын.