ПӦИМСыктывкарӧ таво тӧлын Уна доддьӧн, уна вӧлӧн Воис пес. Кӧдзыд дырйи керка шонтны Пачьяс лои жара ломтны — Сотім пес. Пескысь артмис уна пӧим, Пӧим пытшкӧ дзикӧдз вӧйим, Быдлад тыр! Ладнӧ сэсся приказ уси: Пӧим лэдзны моски кузя Пырысь-пыр!.. Йӧзлӧн сэки сьӧлӧм ловзис, — Эз тай мӧдысь тшӧктӧм ковзьы — Кыптіс тшын! Кар пасьтала пӧим пуркйӧ, Вольсалӧны зэв кыз чуркйӧн — Аршын джын!.. Кӧмкот бӧрся пӧим вӧтчӧ, Кытчӧ мунан — кок туй тӧдчӧ, Он нин вош! Мукӧд мортыс кежӧ бокӧ: «Пӧимыс пӧ сибдӧ кокӧ, Ёш-за-ёш!..» Пӧим вевта моски кузя Небыд мунны, он друг усь ни, Оз пот юр! Тулыс воас — уна, уна Моски вылын лоӧ кунва Вывті бур!
