ГӦЛЬ КОМИ КРЕСТЬЯНИН ВОӦМА 100 ШАЙТ ЗАРНИӦН

Бӧръя Государственнӧй розыгрыш дырйи ӧтик 100 шайта выигрыш усьӧма Слӧбӧдаса гӧлиник крестьянинлы — Сорвачёвлы. Овмӧсыс сылӧн омӧлик, весиг вӧлыс абу вӧлӧма. Тайӧ воӧмыс ёна отсалас Сорвачёвлы овмӧссӧ кыпӧдны. Сылӧн вӧлӧма эськӧ ещӧ на ӧтик билет, да ёна пикӧ воӧма да вузалӧма куим шайтысь. Мӧд билет вылас бара жӧ усьӧма выигрыш (воӧм) 20 шайт зарниӧн.

Миян крестьяна омӧля вӧлі босьталӧны лотерейнӧй билетъястӧ. Колӧ бурджыка видзӧдлыны та вылӧ. Со ӧд, чассьӧыд вермас быдӧнлы усьны.