«МОРТ ВИАН ЛУН»

(Выльгортын)

Быд праздник лунӧ миян том йӧзлӧн дай олӧма йӧзлӧн мунӧ зык да кось. Сэсся кодъясӧскӧ дӧбелькиӧдз ӧбӧдитасны: юръяссӧ поткӧдласны, ки-коксӧ и ордлыяссӧ чегъяласны, медбӧрын кувтӧдз татшкӧдасны. Ӧти праздник бур ногӧн оз нин колльыв. Сідз жӧ ӧні, 15 лунӧ февральын, вӧлі «стретенньӧ» праздник. Бара на унаӧс нӧйтӧмаӧсь. Ӧти гӧтыра том мортӧс, Митит Васьӧӧс, сэтшӧмӧдз нӧшалӧмаӧсь, лоӧма садьтӧгыс лэччӧдны карӧ больничаӧ, сэні сэсся и кулӧма. Нӧйтӧмаӧсь пӧ том зонъяс, Демит Ӧльӧш пи мукӧд нёль тӧварышыскӧд, найӧс пӧ ставнысӧ арестуйтӧмаӧсь, ыстӧмаӧсь карса начальство дінӧ.

Татшӧм оласнад «стретенньӧтӧ» дай мукӧд праздникъястӧ сэсся лоӧ шуны мӧд нимӧн — «морт виан лунӧн». Йӧзыд сэсся быдлаын пондасны шуавны:

— Мунамӧй Выльгортад гӧститныыд, талун ӧд сэні «морт виан лун...»

Нинӧм шуны, лӧсьыд, мича нимтӧм!

Став татшӧм омӧльыс лоӧ проклятӧй самӧкур помысь.

Кыланныд, Выльгортсаяс, тайӧ кывъяссӧ?!

Жыннян.