БУРА УДЖАЛІГӦН ОЗ КОВ ЛЁКӦС ВӦЧНЫ

11, 12, 13 лунъясӧ февральын волісны Сыктывдінкарсянь Маджаӧ крестьяна костын уджавны агроном Темноев скӧт лечитысь пельшӧркӧд (ним-овсӧ ог тӧд). Бӧръя кык луннас бура уна буртор вӧчисны: скӧтъяс видлалісны, турунъяс гортӧ ветлӧмӧн видлалісны, тӧдмалісны, мый вӧсна висялӧны скӧтъясыс, агроном лыддис лекция видз-му уджалӧм йылысь, скӧтӧс видзӧм йылысь да скӧт страхуйтӧм йылысь, йӧз зэв бура кывзісны, юасисны быдтор сылысь. Сэсся кодсюрӧ кӧсйысисны лӧсьӧдны машинаӧн видз-му уджалан тӧварищество, ньӧбны сеялка первой, сэсся мукӧд пӧлӧс видз-му уджалан кӧлуй.

Сӧмын первой луннас зэв тӧлаӧсь вӧліны: вӧлӧсьт вывті ветлӧны да сьылӧны зэв гораа, а том йӧзыд зэв ёна сералӧны, дивуйтчӧны: «Со пӧ тай, миянӧс тані оз лэдзны, а карсаясыд мый вӧчӧны!»

Омӧль тадзинад! Татшӧм «уджъястӧ» некодлы оз ков петкӧдлыны, деревнясаыд тайӧ уджтӧ агрономъяс велӧдтӧг тӧдӧны... Локтін кӧ крестьяналы бур вӧчны, колӧ ставсӧ бурӧс и петкӧдлыны. Первойсяньыд кӧ омӧльтор петкӧдлан, бурторсӧ, кӧть висьталан сэсся сьӧлӧмсьыд, оз нин сэтшӧма веритны.

Нестеров.