ЭЗЫСЬ-ЫРГӦН ДЕНЬГА

Ставреспубликаса Совнарком тшӧктӧма Наркомфинлы лэдзны посни эзысь да ыргӧн деньга. Эзысь деньгаяс лоӧны: 10, 15, 20, 50 ураяс да 1 шайтаяс (чӧлкӧвӧй), ыргӧн деньгаяс: 1, 2, 3 и 5 ураяс. Мед вӧлі лэдзӧма (дорӧма) татшӧм деньгасӧ выль во кежлӧ (январ 1 лун 1925 воӧ) сё миллион шайт дон. Оз кӧ Наркомфин вермы регыдӧн тырмиг лэдзны эзысь-ыргӧн деньгасӧ, мед лэдзас бонъяс (бумага деньга) 1 урсянь 50 урӧдз — бонъяс кутасны ветлыны эзысь деньга донӧн. Тайӧ бонъяссӧ мед вӧлі выль воӧдз ставсӧ вежӧма эзысь-ыргӧн деньгаӧн.