МОРДІН

Нардом важ, гажтӧм. Удж мунӧ, унаысь овлывлӧны спектакльяс, докладъяс.

Партияын 5 морт, комсомолын морт кызь кымын. Уджалӧны бура.

Школаын велӧдӧм оз мун: велӧдысьыс допризывник, асьсӧ Всеобуч велӧдӧ. Крестьяна корӧны Мордінас мӧд велӧдысьӧс (школьникыс уна да ӧти велӧдысьлы сьӧкыд), сэсся корӧны велӧдысьясӧс Даньӧ да Чӧддінӧ. Патера вылӧ да стӧрӧжлы нянь чукӧртӧмаӧсь нин. Даньӧ и Чӧддінӧ кӧсйӧны школа лэптыны, мед пӧ сӧмын кер билет сетасны.

Кер лэдзны сӧмын ӧні медасьӧны; войдӧр эз медасьны донтӧг уджалӧмысь мынтысьӧмла.

Лэдзӧны комиӧн газет «Шонді петіс».