ПОЗТЫКЕРӦС

Партияын бура велӧдчӧм йӧз абуӧсь, удж ёна мунны оз вермы. Колӧ сэтчӧ ыстывлыны тӧлысь кежлӧ бура велӧдчӧм мортӧс.

Нардом эм, сӧмын важ керкаын. Пес лӧсьӧдны оз вермыны, сьӧмныс абу, спектакльяс овлӧны Исполкомын. Коми пьесаяс абуӧсь, лоӧ роч вылысь лӧсьӧдны аслыныс, весиг асьныс выль пьесаяс гижлывлӧны.

Школа улӧ босьтӧмаӧсь поп керка. Велӧдӧны бура, сӧмын нигаяс этшаӧсь. Школа стӧрӧжлы мынтысьны крестьяна шуисны чукӧртны нянь. Школалӧн эм му, кӧдзлӧмаӧсь ид, нянь вылас артельӧн крестьянакӧд ньӧбӧмаӧсь вартан машина.

Жалованньӧ велӧдысьяслы ни Исполкомын уджалысьяслы ноябр, декабр, январ тӧлысьясысь абу на волӧма.