«КОКНЬӦДЧӦМ»

13-ӧд лунӧ февраль тӧлысьын Кӧджпонын вӧлі чукӧртчылӧм крестьяналӧн. Шефлӧн представительяс, Обсудса ячейкаысь, сійӧ чукӧртчылӧм вылас вӧчисны доклад — «Кыдзи колӧ видз-му уджавны». Доклад вӧчӧм бӧрын крестьяна шуисны:

«Мед лоӧ кокньыдджыка да бурджыка уджавны, миянлы колӧ ӧтувтчыны машиннӧй тӧвариществоӧ да ӧтвылысь ньӧбны видз-му уджалан машинаяс».

Сэсся сы бӧрын шефлӧн представительясыс тшӧктӧмаӧсь гижсявны тӧвариществоас; гижсьӧмаӧсь дас кӧкъямыс морт.

Вӧчӧмаӧсь устав. Бӧрйӧмаӧсь правленньӧ куим мортысь. Сэсся кӧсйӧны сельскокӧзяйственнӧй банкысь босьтны уджӧн деньга, машинаяс ньӧбны да вӧчны договор Обземуправленньӧкӧд, мед мӧдысь ваяс тулыс кежлӧ машинаяс.

Тӧвариществолы нимсӧ пуктӧмаӧсь «Кокньӧдчӧм».

Тайӧ зэв бур. Кӧджпонсаяс! Ёнджыка кутчысьӧй тайӧ удж бердад да бурджыка босьтчӧй уджавны. Энӧ эновтчӧй!

Слудаса Степӧ.