ЛЕНИН РЫТ ПАРЧӦГЫН

Зеленеч вӧлӧсьтын

Февраль 3-ӧд лунӧ Парчӧгын вӧлі Ленин рыт, крестьяна чукӧртчылісны зэв уна. Вӧліны пӧрысь мужикъяс и бабаяс. Комиӧн сёрнитім крестьянакӧд Ленин кулӧм йылысь, висьталім, кыдзи Владимир Ильич овліс, мый керліс крестьяналы бурсӧ. Ёна жалитӧны крестьяна Ильичӧс водз кулӧмысь, кӧть дугдывтӧг кывзасны сёрни Ленин йылысь. Висьталӧм бӧрти уна морт кӧсйысис пырны коммунист партияӧ, том йӧз — Союз Молодёжӧ. Ми организуйтім «Союз беспартийных Ленинцев». Неуна велӧдчыштӧм бӧрти сэтысь петасны Союз Молодёжиӧ.

Быдтор вӧлі зэв бур, сӧмын ӧтитор омӧльджык: кор ми вӧлі сёрнитам Ленин йылысь, локтіс собранньӧ шӧрӧ кытыськӧ ӧти морт — землемер пӧ карысь, да буракӧ университетсяньыс веськыда Парчӧгӧ веськалӧма; весиг крестьянаӧс оз тӧд, муртса миянлысь сёрнисӧ тшӧтш эз торк, некытчӧ кылӧ оз сетчы, ёна пӧ нин дӧзми ӧти пӧлӧс сёрнитӧмсьыд, ме пӧ татчӧ локті эг Ленин йылысь сёрнитны, а земля йылысь. Сэтшӧм сёрниыс пӧ тіянлы, крестьяна, коланторджык...

Крестьяна сылы воча со кыдзи шуисны: — «Ми огӧ шуӧ, абу колантор, сӧмын Ленин йылысь сёрнитны ми некор огӧ дӧзмӧй, тшӧтш тэныд, „бур землемерӧй“ бурсиам: не дӧзмыны, а мунны землятӧ мерайтігӧн Ленин туйӧд!»

Пода морт.