ПӦДДЕЛЬНӦЙЫН

Ыджыд Керӧсса школа

Миян школаын омӧля велӧдӧм мунӧ. Ӧти-кӧ, колӧ вӧлі дӧмлыны кытсюрӧ школасӧ, сэсся велӧдысьыс ветліс салдатӧ велӧдчыны (всеобуч). Мӧд-кӧ, велӧдысьыс ас деревняысь да ёнджыка ассьыс уджсӧ уджалӧ, школаыд сылӧн кӧдзалӧма. Гашкӧ, сійӧ шуас: «Пес абу»? Первойсӧ пескыс збыль эз вӧв, ӧні эм, а велӧдны ветлӧ недель пиын кык-куим лун. Челядь воласны школа дорӧдз да бӧр лоӧ котӧртны гортаныс кынмигтырйи. Рад эськӧ школаад найӧ пукаласны, шоныдінад велӧдчасны, да стӧрӧжыс оз лэдз, шуӧ: школатӧ пӧ ог восьт, велӧдысьыс абу!..

Абу лӧсьыд. Велӧдысь ассьыс уджсӧ уджалӧ, велӧдӧмысь дон босьтӧ, а велӧдны омӧля велӧдӧ.

Ветошкин.