* * *

Комилы отсасьысь колӧ — 
Велӧдчӧм коми, ас морт,
Мед ӧтвылысь комикӧд олӧ,
Мед комилы лоӧ бур ёрт.

Уна со велӧдчӧ Питерын
Эжваысь, Сыктылысь йӧз,
Пессьӧны визув ва ю шӧрын
Вынтӧмӧсь, быттьӧкӧ вез.

Юраныс водігӧн, чеччигӧн:
Кыдз бара коляс нин лун?
Лёк ногӧн нянь понда пессигӧн
Велӧдчӧм водзӧ оз мун.

Велӧдчысь йӧзлы кок вылӧ сувтны,
Бур паськыд туй вылӧ петны
Отсавны колӧ быд лун —
Бур сійӧ некор оз вун.

Коми му кыпӧдны локтасны —
Ӧдзӧстӧ паськыда восьтӧй!
Выннысӧ, садьнысӧ пуктасны,
Шуасны: водзӧстӧ босьтӧй!

Коми.