МЫЙ ШУИСНЫ КОМИ СТУДЕНТЪЯС КОМИ ОЛӦМ ТӦДМАЛӦМ ЙЫЛЫСЬ

12-ӧд лунӧ январын вӧлі Питерса студентъяслӧн чукӧртчылӧм; сэні шуисны:

«Коми рыт вылын чукӧртчӧм Питерса гырысь школаясын коми велӧдчысьяс Коми му тӧдмалан чукӧр воссьӧм йылысь Ёльлысь висьталан кывзӧм бӧрын шуам:

1. талунъя рытӧ быд морт миян пытшкысь арталас чорыда медбӧръяысь, кӧсйӧ оз сійӧ велӧдчӧм бӧрын ас муӧ уджавны мунны;

2. кӧсйӧ кӧ, мед оз вунӧд — сӧмын ӧні велӧдчигӧн ӧтик сайын ми вермам велӧдны-тӧдмавны Коми му, коми йӧзӧс, коми кыв; бӧрти, уджалігӧн лоӧ сёр нин, некор лоӧ.

3. коді сьӧлӧмсяньыс кӧсйӧ пуктыны ассьыс вынсӧ да тӧдӧмсӧ Коми му кыпӧдӧм-югдӧдӧм вылӧ, мед тэрмасяс пырны выль чукӧрӧ, мед отсалас уджавны сылы.

4. тайӧ чукӧрыс сӧмын вермас миянӧс, паськыд Питерын разалӧм коми велӧдчысьясӧс, топыда ӧтувтны; сӧмын сійӧ вермас миянӧс чорыда йитӧдны ас чужан мукӧд.

Мед сӧвмас ёна выль Коми му велӧдан чукӧр, мед кыптас-паськалас сылӧн удж!»