РӦШТВО ВОЙӦ

Тэрмасьӧны вӧлі Нардомӧ...

Рӧштвокӧд паныд, войнас, Быктысянь (сикт 2 верст сайын Пӧддельнӧйсянь) вӧлі вуджӧны «Комсомольскӧй рӧштво» вӧчны Пӧддельнӧйын куим комсомолеч: Королёв Микайлӧ Ӧлексеевич, Королёв Ӧ. М. да Шелепанов Й. Ӧ.

Пӧддельнӧйӧ вотӧдз Микайлӧ Королёв ёртъяссӧ коляс:

— Меным колӧ Нардомӧ водзджык воны, мыйсюрӧ лӧсьӧдны. Гашкӧ, чукӧртчисны нин йӧзыс да...

Рӧзбойник Моторин.

Королёв Микайлӧ тэрмасьӧ Нардомӧ. Кайис Эжва кыр йылӧ, ӧдйӧ мӧдӧдчис туй кузя... Пемыд, нинӧм оз тыдав...

Друг кысянькӧ уськӧдчис кодкӧ Королёв вылӧ. Юрас зорйӧн кучкис. Королёв лым пиӧ садьтӧг уси. Усьӧм бӧрас рӧзбойникыд ёна на нӧйтіс зорнас Королёвӧс. Сэсся аддзис, кодъяскӧ матыстчӧны сэтчӧ (Королёвлӧн ёртъясыс), да котӧрӧн пышйис.

Королёв Микайлӧ тӧдмалӧма кучкысьсӧ, сійӧ — Моторин Педӧсей Аркипович, коркӧ пыралӧма коммунист партияӧ, да вӧтлӧмаӧсь.

Пельпомыс да кык ордлы чегӧма, кык ордлы кусыньтчӧма.

Королёвӧс вайисны больничаӧ, докторъяс видлалісны да аддзисны: Королёвлӧн шуйга пельпом лыыс да кык ордлы чегӧма, сэсся кык ордлы кусыньтчӧма, шуйга сойыс кыклаті потӧма.

Лёк рӧзбойник татшӧмӧдз воштіс миянлысь медбура уджалысь том мортӧс! Моторин грӧзитчӧ унаӧс на нӧйтны партиясянь удж нуӧдысьясӧс.

Ме чайта, Моторинӧс Народнӧй Суд татшӧм уджсьыд оз юрӧдыс малышт, чорыда судитас.

Чорыда и колӧ!

Т. К.