РЕГЫДДЖЫК! ВИЧЧЫСЬНЫ ОЗ ПОЗЬ!

Мӧскуаса «Коммунистка» журналлы Германиясянь воӧма со кутшӧм гижӧд (письмӧ):

Дона ёртъяс!

Миян рабочӧйяслӧн олӧмыс вывті сьӧкыд, некытчӧ лои воштысьны, озыръяс кутісны дзикӧдз пӧдтыны. Кутшӧмсюрӧ государствоясысь йӧз лицемеритӧм кузя восьталӧны отсасян комитетъяс, но на вылӧ нинӧм видзӧдны, на помысь прамӧй отсӧг не аддзывны. Ме кевмысьӧмӧн шыӧдча бур мывкыда Россияса уджалысь йӧз дінӧ: ӧдйӧджык, регыдджык босьтчӧй отсавны миян рабочӧйяслы, найӧ семьялы, найӧ челядьлы! Нюжӧдны водзӧ оз позь, виччысьны некор — йӧз тшыгла кулӧны. Кӧть мыйта отсӧг верманныд чукӧртны — сійӧ и шань, энӧ яндысьӧй этша вӧсна.

Разӧдӧй тайӧ менсьым гижӧдсӧ быд пельӧсӧ, мед кывласны став Россияса уджалысь йӧзыс!

Ӧдйӧджык ыстӧй, мый верманныд! Отсалӧй!

Берлин. Вилли Мюнценберг.