ЧУКАЫБСА ПОП

(Визин карулын)

Самӧкур юӧ, оз и палявлы. Коддзас да став семьясӧ мукӧддырйиыс ывлаӧ вӧтлас.

Рӧштво дырйи крестсӧ воштылӧма. Мӧд лунас корсьӧма чӧлӧй лун да, кыдзкӧ тай сюрӧма жӧ-а.

Частӧ пӧ ветлӧ да зычитӧ керкаясын; шуалӧ быдсяма лёк кывъяссӧ. Ылӧдлӧ посни челядьӧс, мед локтасны вичкоӧ: «Волӧй пӧ, ме пӧ тіянӧс чӧскыд дука елейӧн мавта»...

Ӧтчыд гӧтырсӧ топӧдӧма да, сылы лоӧма гидас дзебсьыны.

Татшӧм попсӧ колӧ сетны суддяяс кипод улӧ, мед найӧ велӧдасны, кыдз колӧ ӧні овны.

Мед оз увтчы йӧз керкаясын, оз мед ылӧдлы посни челядьӧс, мед оз косясь гӧтырыскӧд да мед оз ю самӧкур.

Тайӧ ставыс збыль. Судӧ кӧ ковмас свидетель — сюрӧ уна.

Ёгор Миш.