МАДЖА

Партияын кык морт, Комсомолын сизим. Нардом абу. Докладъяс, спектакльяс вӧчавлӧны Исполкомын. Исполкомыс кӧдзыд (колӧ дзоньтавны, мӧд пӧвста ӧшиньяс пуктавны). Том йӧз уджавны окотитчӧны, да велӧдчӧм войтырыс абуӧсь.

Январ 21-ӧд лунӧ вӧлі крестьяналӧн ӧтчукӧртчывлӧм. Воліс морт комын саяс. Исполкомын кӧдзыд да, пукалісны школаын. Докладъяс кывзісны зэв бура, ёна юасьӧны, сёрнитӧны.

Школалы отсавны лӧсьӧдӧмаӧсь налог 6 урӧн (коп.) сёйысь вылӧ. Шуисны сійӧ налогсӧ мынтыны сетны срок кык вежон, сы бӧрын лӧсьӧдны пеня. Тшӧктісны общественнӧй лавкаӧс дзоньтыны школалысь кильчӧсӧ, сетны мыссян доз, таз да ки чышкӧд.

Комитет Взаимопомощилы чукӧртӧны быд мортлысь пунт джынйӧн нянь.

Норасьӧны кер лэдзӧмысь омӧля мынтысьӧмысь.

Шуӧны, матігӧгӧрысь пӧ делянкаяс оз ков сетны, мед пӧ крестьяналӧн стрӧитчан вӧрыс оз быр.

Коми кывтӧ пӧ удж нуӧданінъясад важӧн нин колі сюйны.