КЫДЗИ ДЗЕБИСНЫ ЛЕНИНӦС.

Январ 27-ӧд лунӧ лун шӧр гӧгӧр вайисны телеграмма юӧр: талун пӧ 4 часын кутасны дзебны Мӧскуаын В. И. Ленинӧс. Буретш Аныбын лӧсялі т. Булышев. Сійӧ общественнӧй лавкаысь ньӧбис сьӧд матерйӧ; сы вылӧ вурисны шӧрас Ленинлысь портретсӧ; бокъясас рочӧн гижисны: «Спи спокойно, дорогой учитель. Твои заветы не забудем никогда!» Лун шӧр бӧрын чукӧртчисны йӧз Исполкомӧ. Унджыкыс вӧлі нывбаба (самӧй вӧлі женскӧй собранньӧ чукӧртӧма). Кык часӧдз пыр сёрнитісны Ленин йылысь, кыдзи сійӧ овлӧма. Кык часын флагъясӧн да пищальясӧн петісны Исполкомысь, мунісны школа дінӧ. Первой шапка босьтӧмӧн сьылісны «дзебигӧн-колльӧдігӧн сьыланкыв.» Сы бӧрти лыйисны дас пищальысь куимысь помся. Сы бӧрын лӧсьыда, радӧн-радӧн бӧр локтісны Исполкомӧ. Сэні вӧлі нывбабаяскӧд тӧлкуйтӧм, кыдзи налы бурджыка овны.

Аныбса.