КУТШӦМА 3 ТӦЛЫСЬӦН ТӦВАР ДОН ЧИНӦМА

Медъёна донтӧммӧма шерстянӧй матерйӧ — 23 ур быд шайт вылӧ, сэсся бумажнӧй тӧвар (ситеч, сатин) — 18 ур быд шайт вылӧ.

Кучик тӧварлӧн усьӧма доныс 16 урӧн быд шайтысь (16%).

Истӧг, майтӧг — 17%.

Ӧшинь стеклӧ — 15% (ящикыс вӧлі сулалӧ войдӧр 75 шайт, ӧні — 64 шайт).

Кӧрта кӧлуйысь чинӧма доныс кӧрт тувлӧн — 5 шайт да 80 ур пыдди ӧні 4 шайт.

Сов вӧлі войдӧр 1 ш. 37 ур, ӧні 95 ур пуд (усьӧма 31 прӧчент).

Сакар пызь вӧлі сулалӧ 10 шайт да 85 ур пуд, ӧні 9 ш. 70 ур (11 прӧчент).

Махоркалӧн джын доныс чинӧма.

Ӧтув став тӧварыслӧн бӧръя куим тӧлысьӧн усьӧма доныс 15 прӧчент (быд шайт вылӧ 15 ур).

Дон чинӧмыс лоӧма со мый понда: этшаджык рӧскодӧн уджалӧмаӧсь пабрик-заводъяс да ичӧтджык барыш босьтӧмаӧсь.