МУ УДЖАЛАН КӦЛУЙ КРЕСТЬЯНАЛЫ

Важ донӧн да уджӧн

Сӧвет власьт пыр ӧтарӧ сетӧ крестьяналы кокньӧд, мед ӧдйӧджык кыптіс крестьянскӧй кӧзяйство.

Сы вӧсна жӧ Ставреспубликаса Исполком (ЦИК СССР) январ 11‐ӧд лунӧ шуис:

Му уджалан кӧлуй (сельскохозяйственные орудия) вузалӧм колӧ лӧсьӧдны сідзи, мед сійӧ кӧлуйыс воис матӧджык крестьяналы, мед крестьяналы вӧлі кокньыдджык сэтшӧм кӧлуйсӧ ньӧбны.

Быд государственнӧй учрежденньӧлы, тшӧтш кооперативъяслы, тшӧктыссьӧ му уджалан кӧлуй вузавны крестьяналы важ донӧн (кутшӧм дон вӧлі войнаӧдз).

Крестьяналы му уджалан кӧлуй судзӧдігӧн колӧ кокньӧдны: сетны дыр кежлӧ уджӧн (срок ӧти восянь вит воӧдз), вексель улӧ.

Торъя колӧ сетны татшӧм кокньӧдсӧ: крестьянскӧй кооперативъяслы, найӧ шленъяслы, артельяслы да мукӧд пӧлӧс му уджавны ӧтувтчӧмъяслы.

Му уджалан кӧлуй татшӧм кокньӧд серти (донтӧг да дыр кежлӧ уджӧн) сетсьӧ сӧмын дзик крестьяналы, видз-му уджалысьяслы, сэсся некодлы.

Сӧвет власьт тӧдӧ: крестьяналӧн му уджалан кӧлуй лёк вояснад киссяліс, жугласис, выльӧс лӧсьӧдны другӧн оз вермыны, оз судзсьыны, колӧ кыдзкӧ-мыйкӧ отсыштны. Сы кузя и вӧчӧма ӧні татшӧм кокньӧдсӧ крестьяналы.