ШЕНЗЬӦНЫ РОССИЯ ВЫЛЫН

Мӧскуаӧ Америкасянь локтӧма сэтчӧс правительстволӧн шлен — сенатор Франс. Сійӧ медвойдӧр Америкаын лэптыліс гӧлӧс Сӧвет Республикаӧс пыдди пуктыны (признать), овны Россияса йӧзкӧд бурӧн. Ӧні Франс шуӧ: Америкаса йӧз пӧ ставыс сулалӧ та дор жӧ (тӧдны Сӧвет Республикаӧс). Тайӧ Франсыс воліс нин Россияӧ 1921ʼ воын. Ӧні шензьӧ: кутшӧма пӧ справитчӧма кык воӧн Россияыд, он пӧ весиг и тӧд. Кык во сайын пӧ Россияыд вӧлі куш, гӧль, быттьӧ ставыс кулӧма, ӧні пӧ ставыс пуӧ, уджалӧ, лӧсьӧдӧ, кыптӧ.