КОММУНИСТ ПАРТИЯ СОДӦ

Став Республика пасьта рабочӧйяс пырӧны артельӧн-артельӧн Коммунист партияӧ. Быдлаын: Мӧскуаын, Ленинградын, Харьковын, Киевын, Казаньын, мукӧдлаын рабочӧйяс гижсьӧны коммунистӧ. Найӧ шуӧны: ми пӧ огӧ эновтчӧ Ленин туй кузя мунӧмысь, сылысь пӧ бур вӧчӧмсӧ огӧ вунӧдӧй. Тӧдам пӧ, коммунист партиялӧн быри медбур юралысьыс, медбур веськӧдлысьыс, сы пыдди пӧ ми ӧтувтчам Ленин партияӧ да ӧтвылысь нуӧдам сылысь заводитӧм уджсӧ помӧдзыс.

Миян врагъяс думайтӧны: Ленин кулӧм бӧрын пӧ Россияын торксяс став олӧмыс, коммунист партия пӧ киссяс. Прӧстӧй нимкодясьӧм врагъяслӧн! Нӧшта ёнджыка уджалысь йӧз Сӧвет Республика пасьта ӧтувтчӧ, топӧдчӧ Коммунист партия бердӧ. Рабочӧйяс кындзи, крестьяна тшӧтш гижсьӧны Коммунист партияӧ.