ЦЕНТРАЛЬНӦЙ КОМИТЕТ ДОР

Мӧскуаын мунӧ Ставреспубликаса коммунист партиялӧн конференция. Став делегатыс 128 морт, на костысь: важ коммунистъяс (подпольники) 61 прӧчент (морт 78), рабочӧйяс — 17%, крестьяна — 10%, интеллигентъяс — 13%.

Январ 17-ӧд лунӧ, рытнас, кывзісны бӧръя висьталӧм т. Пятаковлысь «Экономическӧй политика» йылысь. Пятаков шуӧ: ме пӧ сулала Центральнӧй Комитет шуӧм дор, сӧмын пӧ колӧ сэтчӧ содтыны кымынкӧ поправка. Сы бӧрын сэсся висьталіс т. Рыков. Сійӧ шуӧ, оз пӧ ков нинӧм содтыны. Конференция ӧти гӧлӧсӧн примитіс Центральнӧй Комитетлысь шуӧм (резолюция), Пятаковлысь некутшӧм содтӧд эз лэдз.

Та бӧрын сэсся вӧчис доклад т. Сталин партия пытшкын удж нуӧдӧм йылысь (партийное строительство).