КУТЧЫСИСНЫ ФАШИСТЪЯС ДІНӦ

Польшаса правительство босьтчӧма фашистъясӧс пыркӧдны. Варшаваын пӧлича арестуйтӧма фашистъяс штабсьыс начальниксӧ граф Любенскӧйӧс, чӧвтӧмаӧсь Варшаваса пӧличалысь комиссарсӧ Гостынскӧйӧс. Сёрнитӧны, фашистъясӧс пӧ организуйтӧмаӧсь Польшаын парламентса шленъяс: воддза министр просвещения Гламбинскӧй да мукӧд. Важ военнӧй министр Шепицкӧй шуӧ: фашистъяслы пӧ казна эз отсав сьӧмӧн. Парламентӧ (Государственнӧй Думаӧ) шуйгавывса депутатъяс сетӧмаӧсь заявленньӧ, юалӧны, кутшӧм удж нуӧдӧмаӧсь фашист депутатъяс.