СЁРНИ-ГИЖӦД

Сыктывкарса удж нуӧданінъясын коми уджалысьяслӧн коми кывйӧн лыддьыны‐гижны велӧдан курс воссис — январ тӧлысся 5-ӧд лунӧ.

Воліс 17 морт.

Велӧдчыны шуисны субӧтаясӧ квайт чассянь кӧкъямысӧдз да вӧскресенньӧясӧ вит чассянь сизимӧдз.

Велӧдчӧм бӧрын юасьны, кужӧны-ӧ лыддьыны-гижны. Кужысьяслы сетны эскӧдпас: «Комиӧн лыддьыны-гижны кужӧ, грамматика тӧдӧ, удж нуӧдны комиӧн вермас».

Мӧдысь чукӧртчыны талун (субӧтаӧ — 12-ӧд лунӧ). Сэтчӧдз бура велӧдчыны лыддьыны-гижны.

Волытӧм уджалысьяс йылысь гижны газетӧ — абу пӧ, ёртъяс, тадзи лӧсьыд.

Удж нуӧданінъясын сёрнитны коми уджалысьяскӧд курс йылысь, медым мӧд лун локтасны ставныс велӧдчыны.

Нӧшта газет пыр юӧртны тайӧ курс йылысь.

Курс лӧсьӧдысь М. Молодцова