УЧРЕЖДЕННЬӦЯСӦС КОМИӦ ПӦРТӦМ ЙЫЛЫСЬ

Кор коми йӧз сиктъясын-грездъясын кылісны, 3-ӧд Обласьтувса Сӧветъяслӧн пӧ Ӧтчукӧртчылӧм шуӧма учрежденньӧясӧс пӧртны коми кывйӧ, налы сійӧ шуӧмыс ёна муса лои: пырысь-пыр жӧ кутісны вӧчны сійӧ шуӧм кузя.

Ыбын Народнӧй Суддялы Ыбса да Паджгаса крестьяна гижӧны шыӧдчӧмъяс комиӧн. Уна нин Народнӧй Суддяыдлы мыччӧмаӧсь шыӧдчӧмъястӧ коми кылӧн.

Уна уджалысьяс учрежденньӧясын шуӧны, оз пӧ позь учрежденньӧястӧ коми кывъяд пӧртны, немтор пӧ оз артмы, коми йӧзыдлы пӧ сійӧ оз ков. Ӧні ми вермам налы шуны: коми йӧзыд корӧ учрежденньӧястӧ коми кылад пӧртны, позьӧ дай колӧ.

Ми сы вӧсна сӧмын на сёрнитам, а коми крестьянаыд нин асьныс учрежденньӧястӧ комиад пӧртӧны. Ми наысь бӧрӧджык кутім кольны, колӧ вӧтчыны.

ОЛЬ САШ.