АЙКАА-ЗЯТЯ

(удмурт мойдкыв)

Зять мӧдӧдчис видлыны айкаа-тьӧщаасӧ. Керкааныс пыртӧдзыс видзӧдліс ӧшиньӧ. Аддзис, кыдзи айкаыс тэрыба лэптіс пач вылӧ сур лагун, тьӧщаыс жаритӧм чипансӧ бӧр пачӧ сюйис, шаньга чукӧрсӧ лабич улӧ дзебис, куштӧм индейкаӧс водздӧранас вевттис.

Зять пырис, пуксис лабичӧ. Виччысьӧ гӧститӧдӧм. Айкаа-тьӧщааыс, буракӧ, оз и кӧсйыны сійӧс вердны-юктавнысӧ, ассьыныс нокнысӧ нокӧны. Эз кутчысь зятьыд, пуксис айка дінасджык, синпӧвсӧ читкыралӧмӧн шуис:

— Тіянӧ локтігӧн мыйсӧ сӧмын эг аддзыв. Туй вомӧныс ыджыд кый^кый — змей/^ вуджис, кызсьыс-кыз, сур лагуныд кызта, коді тай паччӧрад сулалӧ. Ме бара эг повзьы, босьті из, жаритӧм уткаыд ыдждаӧс, коді тай пачас да лямӧді кыйтӧ сэтшӧма, сійӧ шаньга кодь лои, коді тай лабич уланыд. Онӧ кӧ эскӧй меным, нетшкӧй менсьым юрсиӧс, ме лоа куштӧм индейкаыд кодь, коді тай тьӧща водздӧра улын.

Гӧгӧрвоисны пӧль да пӧч: быдтор тай аддзылӧма зятьныс, ковмис налы сійӧс гӧститӧдны.