НӦДКЫВЪЯС

Коми:

1. Гожӧмнас руд рӧма ветлӧ.

Тӧлын еджыд гӧн век петлӧ.

Пельыс кузь и дженьыд бӧж...

Полӧ быдторйысь нэм чӧж.

2. Гыжъяс ёсьӧсь, ускыс кузь,

Ачыс мелі, но и сюсь.

Войнас, кыйсьӧ да, оз узь.

3. Висьтав, пиӧ, коді сійӧ:

Войын сюся видзӧ горт,

Лунын — вӧралысьлы ёрт.

4. Ён, но оз вӧч уджтӧ,

Оз вись, а век ружтӧ.

5. Гӧныс пушкыра, бӧжыс пашкыра,

Синъясыс — сьӧд моль,

Сёяныс — коз коль.

6. Лудысь аддза тась и сэтысь —

Ветлӧдлӧны пась да кепысь.

(Лӧсьӧдісны Ю. Войт да В. Пунегов)

7. Мӧскыс ичӧт, а йӧлыс оз и бырлы.

8. Кык вок чеччисны, ӧтиыс век на кӧмасьӧ, а мӧдыс мусӧ и васӧ нин гӧгӧртіс.

9. Пӧч дӧмсьӧ-дӧмсьӧ, а дзоньӧ-бурӧ оз и волы.

10. Гид тыр ыж, да ӧти бӧж.

(Йӧзкостса нӧдкывъяс)

Удмурт:

11. Вороп йылын тош йӧктӧ,

Керка йӧрсӧ сӧстӧмтӧ.

12. Керка вывсянь лызь пӧв исласьӧ.

13. Ӧти шырлӧн кык бӧж.

14. Нёльӧн кекӧначасьӧны, а сюрсӧн йӧктӧны.

15. Вомыс эм, а оз сёрнит, синмыс эм, а оз куньтырав.

Вепсскӧй:

16. Бор помын сьӧд пӧрт пуӧ.

Венгерскӧй:

17. Керкаыс ӧшиньясӧд петіс, а кӧзяйкаыс пытшкас коли.

18. Еджыд-еджыд ныв, да платтьӧыс вир-яй пытшкас.

19. Кодлӧн пельыс мышкас?

Финскӧй:

20. Мый став йӧзыс ӧттшӧтш вӧчӧны?

21. Ӧти вӧнь, дас пом, ни ӧти гӧрӧд абу.

22. Доддьыс мудзӧ, а нуӧдысьыс оз.

23. Лы томан сайын петук чуксасьӧ.

24. Семьяыс сёйӧ, а пызаныс сьылӧ.

25. Ветлӧдлӧ саридз вомӧн, му весьтӧд, кок туйыс оз коль.

26. Ӧти тэчӧ: тіп-тап. Мӧд тэчӧ: тіп-тап. Коймӧд тэчӧ: тіп-тап. Нёльӧд тэчӧ: тіп-тап. Витӧд вӧчӧ: швич-швач.

27. Керасьӧ лун и вой, а чагйыс оз коль.

28. Коді кывтӧг вочавидзӧ?

Воча кывъяс:

1. Кӧч. 2. Кань. 3. Пон. 4. Порсь. 5. Ур. 6. Ыж. 7. Мыссян доз. 8. Би да тшын. 9. Пывсян гор. 10. Пачын нянь да нянь зыр. 11. Рос. 12. Сынан. 13. Нинкӧм кӧвъяс. 14. Вӧв кокъяс да бӧж. 15. Чери. 16. Кодзувкоткар. 17. Тывйын чери. 18. Сись. 19. Пӧдан вуглӧн. 20. Пӧрысьмӧны. 21. Сывйын ки. 22. Пыж да сынысь. 23. Кыв. 24. Порсь мам да порсьпиян. 25. Шонді. 26. Вӧв кокъяс да бӧж. 27. Часі. 28. Йӧлӧга.