КОДІ МЕДВЫНА?

(Лёдз ю дор комияслӧн мойд)

Лёдз ю — Пермскӧй область асыввылын, тайӧ ю пӧлӧн олӧны 4000 гӧгӧр коми морт, кодъяслӧн сёрнисикасыс торъялӧ миянысь и коми-пермякъясысь. Найӧс нимтӧны язьваса комиясӧн.

— Тӧлысьӧ, тӧлысьӧ, тэ-ӧ медвына?

— Ме кӧ вӧлі медвына, кымӧр эськӧ менӧ эз сайӧд.

— Кымӧрӧ, кымӧрӧ, тэ-ӧ медвына?

— Ме кӧ вӧлі медвына, му вылӧ эськӧ эг киссьы зэрӧн.

— Муӧ, муӧ, тэ-ӧ медвына?

— Ме кӧ вӧлі медвына, ме вывті эськӧ шыр эз котрав.

— Шырӧ, шырӧ, тэ-ӧ медвына?

— Ме кӧ вӧлі медвына, кань эськӧ менӧ эз кутав.

— Каньӧ, каньӧ, тэ-ӧ медвына?

— Ме кӧ вӧлі медвына, тӧв и гожӧм пач вылын эськӧ эг пукав.

— Пач выв, пач выв, тэ-ӧ медвына?

— Ме кӧ вӧлі медвына, ме вылам эськӧ дулльӧсь пӧч эз пукав.

— Дулльӧсь пӧч, дулльӧсь пӧч, тэ-ӧ медвына?

— Ме медвына, ме медвына! Ой сёя!