ШУСЬӦГЪЯС

Комияслӧн:

Юра кымӧр улӧ кӧ колин, юра кымӧр улысь и босьт.

Дыш Иванлы быд лун Иван лун.

Дышлуныд став чӧскыд сёянсӧ сёйӧ.

Ӧтилаын ачыс, а мӧдлаын гачыс (код юра йылысь).

Дона тӧвар пукалӧ, а донтӧм ветлӧ.

Кузь кывъя мортлысь вом дорсӧ пыр гут гильӧдӧ.

Венгръяслӧн:

Восьтлы вомтӧ, и ме висьтала, коді тэ.

Лэбачӧс борд сертиыс, а мортӧс ёрт сертиыс тӧдмалӧны.

Коді водз чеччӧ, зарни аддзӧ.

Луныс унджык калбас дорысь (этшаджык колӧ праздничайтны).

Вӧлыд кӧ абу, осёл шогмас жӧ.

Сёяныс сизим кывйӧн сёрнитӧ (сэтшӧм чӧскыд).

Финнъяслӧн:

Ас муыд — оз, мӧд муыд — сьӧд вотӧс.

Ме господин да тэ господин, а коднанным пессӧ ваям? Коді нинӧм абусьыс лӧгасьӧ, козинтӧг бурасьӧ. Шудтӧмлун содтӧ вежӧр, а оз озырлун.

Удмуртъяслӧн:

Син восьтытӧдзыд вомтӧ эн восьт.

Вомыслӧн потшӧсыс абу.

Кӧк век ӧтитор кӧкӧ.

Эн равзы, вомад рака пырас.

Надзӧн мунан — водзджык воан, тэрмасян кӧ, мудзан да колян.

Мудзӧм бӧрад и емыд сьӧкыд.

Чегӧм ем бытшласьӧ жӧ.

Вӧлӧс шутьлялӧмӧн юктӧдӧны, мортӧс сьылӧмӧн гӧститӧдӧны.

Чужан кывтӧ кӧ вунӧдан — и мамтӧ вунӧдан.

Ӧти киыс гижӧ, а мӧдыс вежӧ.

Пиля пильылоз, Лёгор лёгалоз (каламбур): Пиля поткӧдчӧ, Ёгор легъялӧ (весь олӧ).

Кутшӧм водз кӧлесаыс, сэтшӧм и бӧр кӧлесаыс.

Кыв вылас ма, сьӧлӧмас — ва.