ФИНЛЯНДИЯСА ГОЖӦМ

Скандинавияын гожӧмнас тшӧкыда зэрӧ, лунъяс ыркыдӧсь. Финнъяс велалӧмаӧсь нин татшӧм поводдя дінас да шмонитӧны та вылын.

Ӧти финн юалӧ мӧдлысь:

— Вӧлі-ӧ таво миянын гожӧмыс?

— Вӧлі, — вочавидзӧ мӧдыс.

— Кор?

— Середаӧ дас час асывсянь дас кык час лунӧдз. Финн гижӧ ёртыслы Венгрияӧ письмӧ: «Финляндияын гожӧмыс кӧдзыд да зэра, но бур кӧть, дженьыд».

Негр-студент, коді велӧдчӧ Хельсинкиын, гижӧ Африкаӧ гортсаяслы письмӧ: «Финляндияын во гӧгӧр век тӧв, турунвиж тӧвсӧ бара на позьӧ кыдзкӧ терпитны, а еджыд тӧлыс — веськыда терпитны позьтӧм».