ШЫР БӦЖ

(Финскӧй мойд)

Олісны-вылісны пӧль да пӧч, да дедлӧн да баблӧн вӧлі петук. Да петукныс муніс вӧрӧ да пӧрӧдіс пу, да пусӧ пилитіс чуркаясӧ, да ӧти чурка поткӧдіс. Чурка пытшкас вӧлӧма сундук. Восьтіс сундуксӧ.

Сундук пытшкас вӧлӧма куд. Восьтіс кудсӧ. Куд пытшкас вӧлӧма ичӧтик шыр. Ичӧтик шырлӧн вӧлӧма дженьыдсьыс-дженьыд бӧж. Вӧлі кӧ бӧжыс кузьджык, кузьджык эськӧ вӧлі и мойдным. Но вӧлі бӧжыс дженьыдик, да и мойдыс тшӧтш дженьыд, тайӧн сійӧ и помасьӧ. «Ки-ку-рул-лю!» — шуис петук.