ЧИПАН ЧУКСАЛӦМ

(Удмурт теш)

Том нывбаба муніс верӧс сайӧ мӧд сиктӧ, кӧні сёрнисикасыс торъялӧ чужан сиктса дорысь. Ичмоньлы тані унатор гӧгӧрвотӧм, и сійӧ юасьӧ, кыдзи шусьӧ сійӧ либӧ мӧдтор.

— Кыдзи нӧ тані чуксалӧны чипанъясӧс, кор колӧ найӧс вердны? — юалӧ сійӧ энькаыслысь.

— Кыдзи тіянын, сідзи и миянын, — вочавидзӧ энькаыс.

Ичмонь босьтас шыдӧс тыра дозмук, петас ӧшинь улӧ да шыӧдчас чипанъяс дінӧ:

— Кыдзи тіянын, сідзи и миянын! Кыдзи тіянын, сідзи и миянын! Локтӧй!