КОЛӦ КӦСЙЫНЫ

Миян Обласьтувса учрежденньӧясын коми уджалысьяс ӧні норасьӧны: со пӧ комиӧн колӧ лыддьысьны да гижны, а ми пӧ огӧ кужӧй.

Сы кузя 3-ӧд Обласьтувса Сӧветъяслӧн Ӧтчукӧртчылӧм и шуис восьтавны курсъяс.

Талун (январ 5-ӧд лунӧ) Педтехникумын (ИНО) квайт часын рытнас воссьӧ ӧтик сэтшӧм курс. Сэні кутасны велӧдны Сыктывдінкарса уджаланінъясын коми уджалысьясӧс лыддьысьны-гижны комиӧн.

Тайӧ курс вылӧ оз ковмы ветлыны зэв дыр. Коми уджалысьяс грамотнӧйӧсь. Найӧ аддзыласны торъя коми шыпасъяс (букваяс) да зэв регыдӧн и велаласны.

Коді думайтӧ комиӧн уджавны, коді кӧсйӧ велӧдчыны комиӧн гижны да лыддьысьны, сійӧ, дерт, волас тайӧ курс вылас. Коді оз думайт — дерт, оз лок. Сӧмын мед сэтшӧмыс бӧрвылас эз кут норасьны бара: ог пӧ куж коминад лыддьысьны ни гижны.

Колӧ сӧмын ӧтитор — кӧсйӧмыс!

Коми уджалысьяс, шлапиктылӧй нолтӧ тайӧ курс вылас!