КУЛӦМДІНСА СӦВЕТЪЯСЛӦН ЧУКӦРТЧЫЛӦМ

Германияса революция отсалас крестьяналы.

22-ӧд лунӧ декабр тӧлысьын чукӧртчыліс Кулӧмдін вӧлӧсьтувса Сӧвет. Став му вылын олӧм йылысь висьталӧм бӧрын шуисны: Сӧвет власьт ӧні ёнмӧ. Крестьяна вӧсна тӧждысьӧ. Мед лоас Германияын революция, сійӧ кокньӧдас крестьяналысь олӧм. Мед уджалысьяс бырӧдасны фашистъясӧс, озыръясӧс!

Коми кыв колӧ.

Коми кыв нуӧдӧм-вӧчӧм йылысь шуисны: коми кыв колӧ коми мортлы, колӧ ёнджыка паськӧдны коми кыв. Сытӧг пӧ огӧй вермӧ кыпӧдны овмӧс. Учрежденньӧясын колӧ вӧчны комиӧн гижӧм. Мед пӧ крестьянакӧд комиӧн сёрнитісны. Комиӧн пӧ ми ёнджыка гӧгӧрвоам. Коми муын мед лоас коми кыв. Тайӧ кывъясыс нӧшта на шуны, колӧ зіля паськӧдны, лӧсьӧдны коми гижӧд, коми кыв, коми ворсанторъяс (пьескаяс).

Исполком уджалӧм кузя, доклад кывзӧм бӧрын, шуисны, ӧніӧдз пӧ уджалӧма шӧркоддьӧма, колӧ ёнджыка, бурджыка уджавны водзӧ. Кулӧмдінса Сӧветъяслӧн чукӧртчылӧм зэв бура кывзіс комиӧн вӧчӧм докладъяс. Йӧз зэв сюся видзӧдісны, зэв бура кывзісны быд кыв. Мед жӧ водзӧ сідзи кывзасны да сьӧлӧмсьыс уджаласны!

Тун.